Morgunblaðið | 4.3.2024 | 9:16

Slær reykt grásleppa í sojasósu í gegn?

Marineruð og kaldreykt grásleppa með sojasósu í dós er meðal þeirra vara sem þróaðar hafa verið. mbl.is/Ólafur Bernódusson

Líftæknifyrirtækið BioPol, Bjargið á Bakkafirði, Háskólinn á Akureyri og Brim hafa að undanförnu gert tilraunir með það fyrir augum að auka verðmæti grásleppuafurða, að því er segir í Morgunblaðinu í dag.

Hér er um að ræða grásleppuna sjálfa eftir að hrognin hafa verið fjarlægð úr henni en þau eru verðmætust af því sem grásleppan gefur af sér.

Nú hefur fólk í Vörusmiðju BioPol gert ýmsar tilraunir með grásleppuna og gert úr henni matvæli á annan hátt en áður. Reynt er að nýta hráefnið sem allra best. Þannig er hveljan tekin og þurrkuð og er þá orðin fyrirtaks hundanammi. Að öðru leyti hefur grásleppan síðan verið flökuð til manneldis og flökin kald- og heitreykt.

Umfjöllunina má lesa í heild sinni í Morgunblaðinu.