Við erum alltaf sigurstranglegastir
Setja bókamerki
Franski knattspyrnumaðurinn Eduardo Camavinga er kokhraustur fyrir EM 2024 í Þýskalandi í sumar þar sem hann segir Frakkland ávallt vera sigurstranglegast á stórmótum.
„Það er draumur allra Frakka að vinna EM. Auðvitað vil ég það líka. Við erum alltaf sigurstranglegastir á stórmótum.
Við erum með sterkt lið sem samanstendur af yngri og aðeins eldri leikmönnum sem spila fyrir stærstu félög Evrópu.
Mótið fer fram í Þýskalandi en ég er viss um að við fáum ríkan stuðning,“ sagði Camavinga í samtali við franska knattspyrnumiðilinn Téléfoot.
Ólympíuleikarnir líka markmið
Camavinga er 21 árs miðjumaður Real Madríd og er því gjaldgengur í U23-ára lið Frakka á Ólympíuleikunum í París.
Hefur hann áhuga á því að taka þátt á leikunum.
„Ólympíuleikarnir eru líka markmið, sérstaklega þar sem þeir fara fram í Frakklandi.
Það er ekki á hverjum degi sem maður fær tækifæri til að taka þátt á Ólympíuleikunum en fyrst og fremst hugsum við um EM og sjáum svo hvað gerist,“ sagði hann.
/frimg/1/50/99/1509982.jpg)
/frimg/1/50/92/1509214.jpg)
/frimg/1/50/65/1506594.jpg)
