Ásgeir Jónsson seðlabankastjóri verður aðalviðmælandi Stefáns Einars Stefánssonar í nýjasta þætti Spursmála sem sýndur verður í beinu streymi hér á mbl.is kl. 14 í dag.
Í þættinum verður krefjandi spurningum beint að seðlabankastjóra um horfurnar á efnahagsmarkaði hér á landi í ljósi þeirra aðstæðna sem nú eru uppi.
Auk seðlabankastjóra mæta hlaðvarpsstjórnendur Eftirmála, þær Nadine Guðrún Yaghi samskiptastjóri flugfélagsins Play og Þórhildur Þorkelsdóttir framkvæmdastjóri Brú Strategy, í settið til að fara fyrir stærstu fréttir vikunnar.
Fylgstu með afdráttarlausri og fjörugri samfélagsumræðu í Spursmálum hér á mbl.is alla föstudaga kl. 14.