Morgunblaðið | 27.3.2024 | 14:51

Baldur með mesta fylgið

Baldur hlýtur mestan stuðning landsmanna ef marka má nýja könnun frá Prósent. mbl.is/Eggert Jóhannesson

Baldur Þórhallsson forsetaframbjóðandi hlýtur mest fylgi landsmanna ef marka má nýja netkönnun Prósents. Baldur er 22 prósentustigum á undan Höllu Tómasdóttur sem vermir annað sætið.

Könnunin, sem var framkvæmd frá 20. til 27. mars, er byggð á svörum 1.950 einstaklinga 18 ára og eldri.

Frétt af mbl.is

Baldur tjáir sig um málskotsrétt forseta

Hátt hlutfall óákveðna

Þátttakendur í könnuninni voru spurðir hvaða frambjóðanda þeir myndu vilja sjá sem næsta forseta Íslands.

Flestir sögðust vilja sjá Baldur sem næsta forseta, eða 37%.

15% sögðust vilja sjá Höllu sem næsta forseta, 5% vildu sjá Arnar Þór Jónsson, 4% Ásdísi Rán Gunnarsdóttur, 2% Ástþór Magnússon Wium, 1% Agnieszka Sokolowska og 1% Sigríði Hrund Pétursdóttir.

Aðrir frambjóðendur hlutu samanlagt 2%.

Athygli vekur að 34% svarenda sögðust ekki vita hvaða frambjóðenda þeir myndu vilja sjá á Bessastöðum.

Halla Tómasdóttir vermir annað sæti listans í könnuninni. mbl.is/Óttar

Baldur með meginþorra þeirra ákveðnu

Séu óákveðnir svarendur teknir úr menginu sögðust 56% þeirra ákveðnu vilja sjá Baldur sem næsta forseta og 23% vildu sjá Höllu Tómasdóttur í embættinu.

8% vildu sjá Arnar Þór á Bessastöðum, 5% Ásdísi Rán, 3% Ástþór Magnússon, 1% Agnieszka Sokolowska og 1% Sigríði Hrund.

Aðrir frambjóðendur hlutu 3%.