Morgunblaðið | 5.4.2024 | 13:40 | Uppfært 20:25

Stjórnarkreppa í kortunum?

Jón Gunnarsson, þingmaður Sjálfstæðisflokksins og fyrrverandi dómsmálaráðherra, Heiða Kristín Helgadóttir, sem situr í kosningastjórn hjá Jóni Gnarr, og Snorri Másson ritstjóri Ritstjóra, eru gestir Stefáns Einars Stefánssonar í Spursmálum dagsins. Samsett mynd

Kröftugar og kjarnyrtar umræður sköpuðust í Spursmálum fyrr í dag þegar þau Jón Gunnarsson, þingmaður Sjálfstæðisflokksins og fyrrverandi dómsmálaráðherra, Heiða Kristín Helgadóttir, sem situr í kosningastjórn hjá Jóni Gnarr, og Snorri Másson ritstjóri Ritstjóra, mættu í settið til að ræða þá fordæmalausu stöðu sem nú ríkir í íslenskum stjórnmálum.

Þátturinn var sýndur í beinni útsendingu kl. 14 en upptökuna má nálgast í spilaranum hér að neðan og er hún öllum aðgengileg.

Forsætisráðherra í forsetaframboð

Katrín Jakobsdóttir, forsætisráðherra, tilkynnti um hádegisbil í dag að hún hyggist gefa kost á sér til embættis forseta Íslands. Sú fordæmalausa staða setur stjórnarlífinu ákveðnar skorður og óvíst er hvert framhald stjórnarsamstarfsins verður í ljósi þessa atburðar.

Kann þetta að auka líkurnar á að stjórnarkreppa myndist vegna óhjákvæmilegra breytinga á ráðherraskipan og erfiðlega gæti reynst að mynda nýja stjórn undir forystu nýs forsætisráðherra.

Í þættinum tókust viðmælendur á með athyglisverðum hætti um mögulega atburðarrás sem nú kann að fara í gang út frá þeirri stöðu sem nú yfirstendur í íslenskri pólitík.