Endurnýjað stjórnarsamstarf verður í brennidepli í Spursmálum í dag þegar þau Hanna Katrín Friðriksson, þingflokksformaður Viðreisnar, og Elliði Vignisson, bæjarstjóri Ölfuss, mæta í settið og ræða nýmyndað ríkisstjórnarsamstarf til hlítar. Stjórnarsamstarfið hefur hlotið þó nokkra gagnrýni frá því það var myndað á methraða og kynnt síðastliðinn þriðjudag.
Þátturinn verður sýndur í beinu streymi hér á mbl.is á slaginu 14.
Yfirferð á fréttum vikunnar verður í sérlega góðum höndum í þætti dagsins. Þau Brynjar Níelsson, fyrrverandi þingmaður Sjálfstæðisflokksins, og Kolbrún Bergþórsdóttir, blaðamaður og bókagagnrýnandi, fara yfir helstu fréttir vikunnar og má búast við að mikið fjör færist í leikana þegar þessi tvö mætast.