Morgunblaðið | 13.4.2024 | 19:08

Loka skólum landsins eftir hótanir Íran

Maður dregur íranska fánann á stöng á nýju sendiráði Írans í Damascus. Loftárás hæfði húsið sem hýsti sendiráð þeirra í borginni þann 1. apríl síðastliðinn. AFP/Louai Beshara

Ísrael mun loka skólum víðs vegar um landið eftir hótanir yfirvalda í Íran að þau myndu hefna loftárásina sem hæfði sendiráð þeirra í Damaskus þann 1. apríl.

Loka til tveggja daga

Skólum landsins verður lokað til tveggja daga frá og með morgundeginum. Talsmaður ísraelska hersins, Daniel Hagari, segir að verið sé að bregðast við hótunum frá Íran.

Stjórnvöld í Bandaríkjunum hafa metið það svo að raunveruleg ógn stafi af hótunum Írans og hafa heitið því að tryggja öryggi Ísraels.