„Umsátursástand“
Setja bókamerki
„Hér ríkir umsátursástand um bílastæði. Við erum þeirrar skoðunar að þessi ótímasetti flutningur endastöðvar Strætós frá Hlemmi, án fyrirheits um hvenær þessi starfsemi fari, hefði átt að fara á minna íþyngjandi stað,“ segir Axel Hall, formaður húsfélagsins Völundar, um framkvæmdir borgarinnar og fyrirhugaða starfsemi á endastæðum Strætós bs. við Skúlagötu.
Völundur er félag íbúðareigenda í sex húsum við Klapparstíg og einu við Skúlagötu. Hefur félagið kært breytingu borgarinnar á deiliskipulagi umrædds svæðis við Skúlagötu til úrskurðarnefndar umhverfis- og auðlindamála.
Einnig er þess krafist að framkvæmdaleyfi verði fellt úr gildi og allar framkvæmdir stöðvaðar tafarlaust á meðan málið er til meðferðar hjá nefndinni.
Axel segir það mat íbúanna að bæði framkvæmdir og starfsemi Strætó þarna sé mjög mengandi og falli heldur ekki að íbúabyggðinni. Í kæru Völundar er m.a. bent á að með breyttu deiliskipulagi sé gróflega brotið á eignarrétti íbúa í nærliggjandi húsum og hagsmunum þeirra raskað.
Bendir Axel á að strætóstöðin verði fyrir framan svefnherbergisglugga hjá þriðjungi íbúanna við Klapparstíg og Skúlagötu, frá sjö að morgni til hálftólf á kvöldin, með tilheyrandi ónæði.
Hægt er að nálgast umfjöllunina í heild sinni í Morgunblaðinu í dag.
/frimg/1/25/58/1255817.jpg)
