Morgunblaðið | 2.5.2024 | 8:10

Enn er óráðið með útgerð varðskipa

Varðskipið Þór kemur til Grindavíkur. Ef um semst myndi útgerð Þórs og smærri skipa Gæslunnar væntanlega verða í Reykjanesbæ. mbl.is/Árni Sæberg

Dómsmálaráðuneytið er í samtali við viðkomandi bæjar- og hafnarmálayfirvöld um þá möguleika sem eru á því að byggja upp framtíðaraðstöðu fyrir skipaútgerð Landhelgisgæslunnar í Reykjaneshöfn. Allt er þetta á frumstigi og engar formlegar fyrirætlanir liggja fyrir.

Þessar upplýsingar koma fram í skriflegu svari Fjalars Sigurðssonar upplýsingafulltrúa dómsmálaráðuneytisins við fyrirspurn Morgunblaðsins.

Frétt af mbl.is

Markmiðið að vera með varðskip báðum megin

Fyrir tæpu ári, eða hinn 26. maí 2023, var undirrituð viljayfirlýsing um uppbyggingu framtíðaraðstöðu fyrir skipaútgerð Landhelgisgæslu Íslands í Reykjaneshöfn.

Fjalar segir að dómsmálaráðuneytið hafi tekið til nánari skoðunar í samráði við Landhelgisgæslu Íslands hver raunkostnaður stofnunarinnar er fyrir þá hafnaraðstöðu sem greitt er fyrir í Reykjavík.

Áætlanir Reykjanesbæjar um framtíðaruppbyggingu fyrir skipaútgerð Landhelgisgæslu Íslands á Suðurnesjum muni þurfa að taka mið af þeim fjármunum sem er til að dreifa í rekstraráætlun stofnunarinnar, sem byggist á fjárlögum og fjármálaáætlun.

Nánar má lesa um málið í Morgunblaðinu í dag.