Jón Gnarr fosetaframbjóðandi situr fyrir svörum í næsta þætti af Spursmálum sem verður sýndur á mbl.is klukkan 14 í dag.
Spursmál hafa vakið töluverða athygli í samfélaginu undanfarið fyrir beinskeyttar umræður um forsetaframbjóðendur og kosningabaráttu þeirra. Í Spursmálum er knúið á um svör frambjóðenda við erfiðum spurningum sem eiga erindi við kjósendur og situr Jón Gnarr fyrir svörum í þætti dagsins.
Líkt og í fyrri þáttum Spursmála verður krefjandi spurningum beint að Jóni um hvernig hann hyggst fara með vald forsetaembættisins verði hann kjörinn.
Auk Jóns mæta þau Frosti Logason fjölmiðlamaður og Sanna Magdalena Mörtudóttir borgarfulltrúi í settið og rýna helstu fréttir líðandi viku.