Morgunblaðið | 19.5.2024 | 23:00 | Uppfært 20.5.2024 11:29

Ísdrottningin bauð frambjóðendunum í teiti

Ljósmynd/Silla Páls

Ísdrottningin Ásdís Rán Gunnarsdóttir hélt forsetafögnuð til heiðurs þeim sem gefa nú kost á sér til embættis forseta Íslands.

Boðið var upp á djasstóna á Iceland Parliament hótelinu í hjarta Reykjavíkur.

20 metra langur rauður dregill var dreginn fram fyrir gestina og var boðið upp á mat og vín út kvöldið.

Tilgangurinn með boðinu var að leyfa frambjóðendum að njóta áfangans eftir mikla vinnu síðustu vikur, koma saman, hlægja og hafa gaman.

„Ég er ótrúlega þakklát að fá að tilheyra þessum föngulega hóp og alveg frábært að allir hafi geta séð sér fært að taka tíma úr framboðs prógramminu og mæta á fögnuðinn. Stærsti partur forseta hlutverksins er að sjálfsögðu að vera góður gestgjafi og taka á móti fólki í fínum veislum og hátíðum hérlendis og erlendis, þetta er eitthvað sem ég er vel þjálfuð í svo ég ákvað að nýta það til að sameina hópinn, njóta og hafa gaman þar sem er nú stutt í kosningar,“ er haft eftir Ásdísi Rán í tilkynningu.