Dagur B. Eggertsson, formaður borgarráðs og fyrrverandi borgarstjóri, sat fyrir svörum í nýjasta þætti Spursmála og voru umræður um lóðamál á suðupunkti.
Hægt er að horfa á streymi af þættinum í spilaranum hér að neðan, á Spotify og eða Youtube, og er hann öllum aðgengilegur.
Horfðu á þáttinn í spilaranum hér að neðan:
Dagur hefur setið undir töluverðri gagnrýni að undanförnu fyrir embættisfærslur í borgarstjóratíð sinni.
Því hefur verið haldið fram að Reykjavíkurborg hafi veitt olíufélögum undanþágur á gjöldum sem nema milljörðum króna með því að komast hjá að greiða hvorki innviðagjöld né byggingaréttargjöld á reitum sem þau hyggjast byggja á.
Stefán Einar Stefánsson þáttastjórnandi knúði fram svör frá Degi um þessi mál og sköpuðust heitar umræður.
Þorsteinn Pálsson, fyrrum forsætisráðherra og ritstjóri, fór yfir helstu tíðindi vikunnar ásamt Stefáni en þar var af nægu að taka.
Fylgstu með spennandi samfélagsumræðu í Spursmálum alla föstudaga klukkan 14 hér á mbl.is.