Lilja Dögg Alfreðsdóttir, ferðamála-, menningar- og viðskiptaráðherra, situr fyrir svörum í nýjasta þætti Spursmála sem sýndur verður hér á mbl.is klukkan 14 í dag.
Í þættinum verður margt til umræðu og verður ráðherra gert að svara krefjandi spurningum um ferðaþjónustuna, listamannalaunin, fjárlögin, íslenska tungu og sitthvað fleira.
Að auki mæta þau Helga Vala Helgadóttir, lögmaður og fyrrverandi alþingiskona, og Bergþór Ólason, þingflokksformaður Miðflokksins, í settið til Stefáns Einars Stefánssonar og fara yfir það sem bar helst á góma í samfélagsumræðunni síðastliðna viku. Búast má við að þar eigi eftir að skapast afar líflegar umræður.
Ekki missa af Spursmálum hér á mbl.is á slaginu klukkan 14 alla föstudaga.