Morgunblaðið | 18.7.2024 | 14:28 | Uppfært 14:56

Amman var með 19 hlaðnar skammbyssur á heimilinu

J.D. Vance minntist á þetta á landsfundi repúblikana í gær. AFP

J.D. Vance, varaforsetaframbjóðandi repúblikana, greindi frá því í ræðu sinni í gær að þegar amma hans lést hafi hún verið með 19 hlaðnar skammbyssur á víð og dreif um húsið.

Uppskar hann mikinn hlátur og klapp á landsfundi repúblikana í gærkvöldi þegar hann greindi frá þessu.

„Amma dó skömmu áður en ég fór til Íraks árið 2005 [í stríð]. Og þegar við fórum í gegnum dótið hennar fundum við 19 hlaðnar skammbyssur,“ sagði Vance og uppskar mikinn fögnuð.

Frétt af mbl.is

Sveitalubbinn með Hvíta húsið í sigtinu

J.D. Vance: "And our movement, ladies and gentlemen… it’s about grandparents all across this country who are living on Social Security and raising grandchildren they didn’t expect to raise.

Now, my mamaw died shortly before I left for Iraq in 2005. And when we went through her… pic.twitter.com/q57eUQfvqp
— Charlie Kirk (@charliekirk11) July 18, 2024

Byssurnar á víð og dreif

„Málið er að þeim var komið fyrir út um allt húsið hennar, undir rúminu hennar, í skápnum hennar, í skúffunni með hnífapörum. Og við veltum fyrir okkur hvað væri í gangi. Og við áttuðum okkur á því að þegar hún var farinn að nálgast enda lífs síns, að þá gat amma ekki komist á milli staða auðveldlega.

Og því passaði þessi veikburða gamla kona upp á að sama hvar hún væri, væri hún innan handarlengdar við hvað sem hún þyrfti til að vernda fjölskylduna sína,“ sagði hann.