Morgunblaðið | 24.7.2024 | 10:05 | Uppfært 16:46

Í bann rétt fyrir ÓL

Búnaðurinn sem notaður er í lyfjaprófum.

Búnaðurinn sem notaður er í lyfjaprófum. AFP/Thomas Samson

Pólski hástökkvarinn Norbert Kobielski hefur verið dæmdur í tímabundið bann fyrir notkun á ólöglegu lyfi. Kobielski átti að keppa á Ólympíuleikunum sem verða settir á föstudag.

Efnið pentedrone fannst í þvagprufu Pólverjans samkvæmt heilindasamtökum alþjóðafrjálsíþróttasambandsins (AIU) og því hefur hinn 27 ára gamli Kobielski yfirgefið herbúðir pólska liðsins í París.

Keppni í hástökki hefst þann 7. ágúst og úrslitin fara fram þann 10. en Kobielski hafnaði í 10. sæti á heimsmeistaramótinu á síðasta ári.

[Fara efst á síðu]