Lið Þóris svaraði fyrir sig
Setja bókamerki
Kvennalandslið Noregs svaraði fyrir sig á Ólympíuleikunum í París eftir sigur á Danmörku, 27:18, í A-riðlinum í dag. Þórir Hergeirsson er þjálfari norska liðsins.
Ásamt Noregi og Danmörku eru Svíþjóð, Slóvenía, Suður-Kórea og Þýskaland í A-riðlinum.
Norska landsliðið tapaði nefnilega fyrir Svíum í fyrsta leik, 32:28, og varð allt vitlaust þarlendis.
Norska liðið komst í 11:2 í fyrri hálfleik en Danir náðu aðeins að laga stöðuna áður en liðin gengu til búningsklefa, 14:8.
Noregur hélt yfirburðum sínum áfram í seinni hálfleik og vann að lokum níu marka sigur.
Kari Dale Brattset skoraði sex mörk fyrir norska liðið líkt og Veronica Kristiansen.
Silje Solberg-Oesthassel varði níu skot fyrir Noreg og var með 35% markvörslu. Þá varði liðsfélagi hennar Katrine Lunde sjö af þeim átta skotum sem hún fékk á sig og endaði með 88% markvörslu.
Norska liðið mætir Suður-Kóreu í næsta leik en Danmörk mætir Svíþjóð.
/frimg/1/50/99/1509982.jpg)
/frimg/1/50/92/1509214.jpg)
/frimg/1/50/65/1506594.jpg)
