Morgunblaðið | 29.7.2024 | 22:46 | Uppfært 30.7.2024 16:58

Heimsmethafinn ólympíumeistari

Thomas Ceccon er ólympíumeistari í 100 metra baksundi.

Thomas Ceccon er ólympíumeistari í 100 metra baksundi. AFP/Jonathan Nackstrand

Heimsmethafinn Thomas Ceccon varð ólympíumeistari í 100 metra baksundi í París í kvöld.

Ceccon, sem er ítalskur, kom í mark á tímanum 52 sekúndur en heimset hans er 51,60 sekúndur.

Kínverjinn Xu Jiayu vann til silfurverðlauna en hann kom í mark á tímanum 52,32 sekúndur og bronsverðlaunin vann Bandaríkjamaðurinn og ólympíumethafinn Ryan Murphy sem kom í mark sjö sekúndubrotum síðar.

Suðurafrískur Ólympíumeistari

Tatjana Smith frá Suður-Afríku varð þá ólympíumeistari í 100 metra bringusundi kvenna.

Hún kom í mark á tímanum 1:05,28 mínútur en hún á einnig ólympíumetið.

Önnur varð Qianting Tang frá Kína sem kom í mark á tímanum 1:05,54 mínútur.

Mona McSharry frá Írlandi varð þriðja á tímanum 1:05,59 mínútur.

Tatjana Smith frá Suður-Afríku kom fyrst í mark.

Tatjana Smith frá Suður-Afríku kom fyrst í mark. AFP/Jonathan Nackstrand

[Fara efst á síðu]