Morgunblaðið | 29.7.2024 | 9:10 | Uppfært 30.7.2024 16:55

Þríþrautarfólki bannað að synda í Signu

Vettvangur sund hluta þríþrautarinnar, áin Signa. AFP/Valentine Chapuis

Mikil rigning í Frakklandi hefur leitt til þess að æfingum þríþrautarfólks í ánni Signu hefur verið aflýst. Áin er afar óhrein og full af bakteríum í kjölfar rigningarinnar.

Guðlaug Edda Hannesdóttir keppir fyrir Íslands hönd í þríþraut á miðvikudag en karlarnir eiga að keppa á morgun, þriðjudag. Mótshaldarar eru bjartsýnir á að keppnin muni fara fram í Signu en í ólympískri þríþraut er keppt í 1,5 km sundi, 40 km hjólreiðum og tíu km hlaupi.

Sund hefur verið bannað í Signu í áratugi vegna heilsuspillandi baktería í ánni og því urðu margir Parísarbúar hissa þegar tilkynnt var að synda ætti í ánni á Ólympíuleikunum. 1.5 milljörðum bandaríkjadala hefur verið varið í að hreinsa ánna fyrir leikana.