Morgunblaðið | 7.8.2024 | 19:30 | Uppfært 8.8.2024 12:09

Vann óvænt þann breska

Quincy Hall kemst rétt svo fram úr Matthew Hudson-Smith.

Quincy Hall kemst rétt svo fram úr Matthew Hudson-Smith. AFP/Andrej Isakovic

Bandaríkjamaðurinn Quincy Hall er ólympíumeistari í 400 metra hlaupi karla eftir magnaðan endasprett á hlaupabrautinni í Stade de France í kvöld.

Vann hann þar með hinn sigurstranglega Matthew Hudson-Smith frá Bretlandi sem hafnaði í öðru sæti.

Hall var ekki nálægt Hudson-Smith þegar stutt var eftir af hlaupinu en hann nánast stökk sér fyrir framan Bretann á síðustu metrunum.

Hall kom í mark á tímanum 43,40 sekúndur en Hudson-Smith fjórum sekúndubrotum síðar.

Sambíamaðurinn Muzala Samukonga vann þá brons en hann kom í mark á tímanum 43,74 sekúndur.

Quincy Hall átti magnaðan endasprett.

Quincy Hall átti magnaðan endasprett. AFP/Martin Bernetti

[Fara efst á síðu]