Borgarstjóri mætir í Spursmál
- 2x
- 1.5x
- 1.25x
- 1x, selected
- 0.75x
- Chapters
- descriptions off, selected
- subtitles settings, opens subtitles settings dialog
- subtitles off, selected
- default, selected
- Quality
- 270p
- 720p
- 1080p
- Auto, selected
This is a modal window.
Beginning of dialog window. Escape will cancel and close the window.
End of dialog window.
Setja bókamerki
Einar Þorsteinsson borgarstjóri verður gestur Stefáns Einars í Spursmálum á föstudag.
Viðtalið ber upp á afmæli Reykjavíkurborgar, sem fagnar 238 ára kaupstaðarafmæli. Þann dag eru einnig liðnir sjö mánuðir frá því að Einar tók við keflinu af Degi B. Eggertssyni sem gegnt hafði embætti borgarstjóra í áratug.
Einar vann stórsigur í sveitarstjórnarkosningunum 2022. Þar hlaut flokkur hans, Framsóknarflokkurinn, 18,7% og fjóra fulltrúa. Var það mikil breyting frá kosningunum á undan þegar flokkurinn hlaut aðeins 3,2% og engan fulltrúa.
Reisti fallinn meirihluta við
Að kosningum loknum myndaði Einar meirihluta í borginni ásamt Samfylkingu, Viðreisn og Pírötum. Samið var um að Dagur B. yrði borgarstjóri fyrstu misserin en hafa svo stólaskipti við Einar og gerast formaður borgarráðs.
Á sama tíma vék VG úr meirihlutanum eftir að hafa fengið einn borgarfulltrúa kjörinn með sléttum 4% atkvæða.
Áhersla á breytingar
Í kosningunum 2022 lagði Einar áherslu á að með stuðningi við Framsókn væri fólk að kalla breytingar yfir staðnaða höfuðborg.
Í viðtalinu á föstudag mun Stefán Einar ræða við nafna sinn um áherslur flokksins, hverju nýr borgarstjóri hefur komið til leiðar og hvaða breytingar borgarbúar muni verða áskynja um á komandi misserum eða allt þar til að aftur verður gengið að kjörborðinu árið 2026.
Leggðu orð í belg
Spursmál hafa komið sér fyrir á facebook og þar geta áhorfendur lagt orð í belg, t.d. komið með tillögur að spurningum til borgarstjóra í aðdraganda þáttarins.
Hægt er að heimsækja síðu þáttarins á samfélagsmiðlinum með því að smella hér.
/frimg/1/56/60/1566046.jpg)
/frimg/1/49/94/1499431.jpg)
/frimg/1/49/92/1499257.jpg)
/frimg/1/49/57/1495784.jpg)
/frimg/1/46/55/1465523.jpg)
