Morgunblaðið | 27.9.2024 | 20:22

Sláandi lítill munur á fylgi Trump og Harris

Video Player is loading.

Current Time 0:00

Duration 5:00

Loaded: 0.00%

Stream Type LIVE

Remaining Time 5:00

Kamala Harris varaforseti leiðir áfram í könnunum á landsvísu í Bandaríkjunum og er með naumt forskot þegar litið er til kjörmannakerfisins. Í fimm af síðustu níu könnunum í Pennsylvaníuríki eru Harris og mótframbjóðandinn Donald Trump með jafn mikið fylgi.

Þetta kemur fram í yfirferð Hermanns Nökkva Gunnarssonar, blaðamanns á mbl.is og Morgunblaðinu, í Spursmálum í dag.

Harris hefur tveggja prósentustiga forskot á landsvísu samkvæmt samantekt RealClearPolitics og hafa litlar breytingar orðið á því að undanförnu.

Hægt er að hlusta og horfa á Spursmál á Spotify, YouTube og öllum helstu hlaðvarpsveitum.

Áfram er allt í járnum í baráttunni um Hvíta húsið. Samsett mynd/AFP/Joseph Prezioso/Peter Zay

Allt í járnum í Pennsylvaníu

Hermann minntist á það að frambjóðendur hefðu varið miklum tíma í Pennsylvaníu að undanförnu enda um að ræða það sveifluríki sem er með flesta kjörmenn.

Harris er þar með 0,6 prósentustiga forskot og er það byggt á meðaltali níu kannanna.

Í fimm af síðustu níu könnunum eru báðir frambjóðendur að mælast með jafn mikið fylgi. Trump leiðir í tveimur könnunum og Harris leiðir í tveimur könnunum.