Morgunblaðið | 12.10.2024 | 8:00 | Uppfært 10:41

„Enginn talar um hið augljósa“

Sigurgeir Brynjar Kristgeirsson er framkvæmdastjóri Vinnslustöðvarinnar í Vestmannaeyjum. mbl.is/Óskar Pétur Friðriksson.

Hafrannsóknastofnun leggur til að engar loðnuveiðar verði leyfðar fiskveiðiárið 2024 til 2025. Ráðgjöfin byggir á niðurstöðum bergmálsmælinga á loðnustofninum á tímabilinu 21. ágúst til 1. október en verður endurmetin þegar niðurstöður bergmálsmælinga á stærð veiðistofnsins liggja fyrir í byrjun næsta árs.

„Þetta eru vonbrigði. Við höfðum vonast eftir því að þetta liti betur út og að það yrði einhver veiði,“ segir Sigurgeir Brynjar Kristgeirsson, framkvæmdastjóri Vinnslustöðvarinnar í Vestmannaeyjum, ávallt kallaður Binni, þegar Morgunblaðið ber ákvörðunina undir hann.

Frétt af mbl.is

Engar loðnuveiðar verði leyfðar á fiskveiðiárinu

„Fram kom hjá fiskifræðingum að sjórinn fyrir norðan land væri að kólna og umhverfisáhrif væru því jákvæði fyrir loðnuna að því leyti. Áður var sagt að makríll væri að éta loðnuseiðin en nú er makríll ekki að ganga fyrir norðan land. Enginn talar hins vegar um hið augljósa og það er að síðustu tvo áratugina hafa hvalastofnar við Ísland vaxið gríðarlega,“ segir Binni og segir áhrif hvala á lífríkið merkjanleg.

Nánar má lesa um málið í Morgunblaðinu í dag, laugardag.