Einvígi Jóns og Þórdísar Kolbrúnar í Spursmálum
Setja bókamerki
Jón Gunnarsson, fyrrum ráðherra, mun mæta Þórdísi Kolbrúnu R. Gylfadóttur, utanríkisráðherra og varaformanni Sjálfstæðisflokksins í pólitísku einvígi.
Vettvangurinn er að sjálfsögðu Spursmál.
Þetta hefur verið staðfest eftir að þau staðfestu bæði komu sína í Hádegismóa eftir hádegi á morgun.
Jón vermdi annað sætið á lista Sjálfstæðisflokksins í Suðvesturkjördæmi í síðustu kosningum. Þórdís Kolbrún var í fyrsta sæti listans í Norðvestur. Það sæti tryggði hún sér eftir að hún lagði Harald Benediktsson, fyrsta þingmann kjördæmisins í prófkjöri 2021.
Færir sig um set
Nú hefur Þórdís Kolbrún tilkynnt að hún hyggist flytja sig í Suðvesturkjördæmi en hún hefur um langt árabil verið búsett í Kópavogi.
Jón hyggst ekki gefa sætið eftir og kosið verður milli þeirra á kjördæmisþingi sem haldið verður á sunnudag.
Fylgstu með Spursmálum kl. 14 á morgun, föstudag. Þátturinn er sýndur á mbl.is og er einnig aðgengilegur á öllum helstu hlaðvarpsveitum.
/frimg/1/49/94/1499431.jpg)
/frimg/1/49/92/1499257.jpg)
/frimg/1/49/57/1495784.jpg)
/frimg/1/46/55/1465523.jpg)
