Meta stöðuna í kjölfar dóms Landsréttar

Ekki hef­ur verið tek­in ákvörðun um það hvort Vinnslu­stöðin í Vest­manna­eyj­um láti reyna að áfrýja til Hæsta­rétt­ar vegna ákvörðunar Lands­rétt­ar um að lækka þær skaðabæt­ur sem út­gerðinni voru dæmd­ar í héraðsdómi vegna ólög­mætr­ar út­hlut­un­ar á mak­ríl­kvóta árin 2011 til 2018.

„Málið er til skoðunar. Við eig­um enn eft­ir að ljúka við að fara yfir niður­stöðuna og mun­um gefa okk­ur góðan tíma í það,“ seg­ir Sig­ur­geir Brynj­ar Krist­geirs­son (Binni), fram­kvæmda­stjóri Vinnslu­stöðvar­inn­ar, í sam­tali við 200 míl­ur.

Lands­rétt­ur staðfesti í síðustu viku niður­stöðu héraðsdóms um að ís­lenska ríkið skyldi greiða Vinnslu­stöðinni og Hug­in (dótt­ur­fé­lag Vinnslu­stöðvar­inn­ar) skaðabæt­ur í ljósi þess að fé­lög­un­um hafði verið út­hlutað minni hlut­deild í heild­arafla­marki í mak­ríl en lög kváðu á um.

Frétt af mbl.is

Lands­rétt­ur lækk­ar bæt­ur til Vinnslu­stöðvar­inn­ar

Var vinnslu­stöðinni dæmd­ar 269,5 millj­ón­ir króna í Lands­rétti en héraðsdóm­ur hafði í dómi sín­um í fyrra talið 515 millj­ón­ir króna hæfi­leg­ar bæt­ur. Skaðabæt­ur Hug­ins héld­ust þó óbreytt­ar og námu 329 millj­ón­um króna.

Aðspurður upp­lýs­ir Binni að eng­ar ákv­arðanir hafa verið tekn­ar um það hvernig bót­um sem fé­lagið hlýt­ur verði ráðstafað.

Sjö fé­lög kröfðust rúm­lega 10 millj­arða

Þegar mála­ferl­in hóf­ust umskaðabæt­ur vegna ólög­mætr­ar út­hlut­un­ar mak­ríl­kvóta voru sjö út­gerðir aðild­ar að mál­inu. Auk Vinnslu­stöðvar­inn­ar og Hug­ins voru það Eskja, Loðnu­vinnsl­an, Ísfé­lag Vest­manna­eyja (nú Ísfé­lag), Gjög­ur og Skinn­ey-Þinga­nes. Var sam­an­lögð skaðabótakrafa fé­lag­anna sjö 10,2 millj­arðar króna.

Eskja, Loðnu­vinnsl­an, Ísfé­lag Vest­manna­eyja, Gjög­ur og Skinn­ey-Þinga­nes féllu frá kröf­um sín­um 2020 og sögðust með þeirri ákvörðun leggja sitt á voga­skál­arn­ar vegna víðtækra áhrifa kór­ónu­veirufar­ald­urs­ins á rík­is­sjóð og ís­lenskt sam­fé­lag.

Frétt af mbl.is

Fimm út­gerðarfé­lög falla frá skaðabóta­kröfu