Morgunblaðið | 16.1.2025 | 15:21 | Uppfært 17.1.2025 11:48

„Við urðum örlítið varir við loðnu“

Þórhallur Jónsson skipstjóri á Gullver NS. mbl.is/Þorgeir

„Við urðum örlítið varir við loðnu í túrnum. Við sáum engar torfur en það ánetjaðist ein og ein loðna hjá okkur og svo sáum við eina og eina í fiskinum,” segir Þórhallur Jónsson skipstjóri á ísfisktogaranum Gullver NS í færslu á vef Sildarvinnslunnar.

Hafrannsóknastofnun gaf út ráðgjöf um að engar loðnubeiðar skyldu stundaðar þennan veturinn á grundvelli mælinga síðastliðið haust. Eru því bundnar miklar vonir við að vetrarmæling stofnunarinnar sem nú er rétt að byrja skili grundvelli til þess að endurskoða ráðgjöfina.

Frétt af mbl.is

Töf á mælingu vegna viðgerðar

Gullver landaði 106 tonnum á Seyðisfirði í gær og greinir Þórhallur frá túrnum í færslunni.

„Túrinn var frekar langur, eða sex dagar. Það var frekar tregt víða þar sem við reyndum. Aflinn var mest þorskur og ýsa og dálítið af karfa og ufsa með. Við byrjuðum á að fara vestur á Stokksnesgrunn og enduðum á Glettingi og það var víða þreifað þar á milli. Veður var upp og ofan. Það hafa einungis verið tvö eða þrjú skip fyrir austan land að undanförnu og þau hafa ekki hitt á mikinn fisk,“ segir hann.

Fram kemur að Gullver mun heldur til veiða á ný á morgun.