Morgunblaðið | 7.2.2025 | 13:23

Opnað fyrir umsóknir um nýliðakvóta

Löndun grásleppu við Reykjavíkurhöfn. mbl.is/Eggert Jóhannesson

Opnað hefur verið á vef Fiskistofu fyrir umsóknir um nýliðakvóta í grásleppu vegna vertíðar ársins, að því er segir í tilkynningu á vef stofnunarinnar.

Grásleppan var kvótasett á síðasta ári og verður í ár fyrsta árið sem veiðar verða stundaðar á grundvelli aflahlutdeildar. Samhliða lagabreytingunni sem fól í sér kvótasetningu tegundarinnar var álveðið að sá hluti kvótans sem hefðbundið fellur í hlut ríkisins og er ætlað að úthluta sem byggða- og atvinnukvóta, s.s. 5,3% grásleppukvótans, mun vera ráðstafað sem sérstökum nýliðakvóta.

Nýliði telst í reglugerð sá sem á skip en hefur ekki skráða aflahlutdeild og hefur ekki fengið úthlutað aflahlutdeild eða átti rétt á aflahlutdeild í grásleppu vegna fiskveiðiársins 2024/2025.

Frestur til að skila inn umsókn um nýliðakvóta er 17. febrúar.