Morgunblaðið | 7.6.2025 | 8:25 | Uppfært 9:04

Mæður sem þroskastela börnin sín

Video Player is loading.

Current Time 0:00

Duration 0:00

Loaded: 0%

Stream Type LIVE

Remaining Time 0:00

Brynjar Karl Sigurðsson körfuboltaþjálfari segist lenda í því að sitja undir gagnrýni frá mæðrum iðkenda sem ekki þoli að heyra sannleikann. Þar sé gjarnan um sálfræðimenntaðar konur að ræða eða með bakgrunn í menntunarfræðum.

Þetta kemur fram í nýjasta þætti Spursmála þar sem rætt er við hann. Tilefnið er sú staða sem komin er upp í Austurbergi í Breiðholti þar sem Reykjavíkurborg hefur hikað við að framlengja samning við íþróttafélagið Aþenu um aðstöðu í húsnæðinu.

Hispurslaus og óvæginn

Brynjar Karl hefur lengi legið undir ámæli fyrir hispurslausa og jafnvel óvægna framkomu, meðal annars gagnvart iðkendum en einnig nafngreindum einstaklingum innan íþróttahreyfingarinnar.

Frétt af mbl.is

Tekur leðjuslaginn fyrir kvennaboltann

Í Spursmálum vísar Brynjar Karl meðal annars til skýrslu sem sagt er að staðfesti að hann hafi beitt fólk ofbeldi. Var skýrslan unninn af samskiptafulltrúa Íþrótta- og ólympíusambandsins. Bendir hann á að þar sé vísað í þrjár ónafngreindar mæður iðkenda.

Hvaða nautaskítur er þetta?

„Ég er að takast á við allskonar djöfla í mínu stríði eins og það er t.d. endalaust verið að saka mig um að vera ofbeldismaður og það er verið að fá fólk til þess að kvitta undir allskonar pappíra og ég segi þá bara flott, við skulum þá bara ræða það á opinberum vettvangi. Ég hefði til dæmis mjög gaman af því að sýna þér gögn sem hafa með skýrslu sem var gerð um mig frá samskiptafulltrúa og það er enginn, það eru tugir lögfræðinga og sálfræðinga og fólks búið að skoða þetta og fólk hugsar bara, þetta er embætti sem er keyrt af menntamálaráðuneytinu. Og fólk hugsar bara, hvaða nautaskítur er þetta?“ segir Brynjar Karl og dregur ekkert undan.

Frétt af mbl.is

Harðorð yfirlýsing ÍSÍ vegna Brynjars Karls

Og hann segist hafa þurft að grípa til ýmissa ráða til þess að verja hendur sínar.

„En ég, borgari í þessu landi sit uppi með það að ég þarf að bjóða mig fram sem forseti ÍSÍ til þess að fá platform til þess að geta varið mig. Það væri eiginlega mjög áhugavert að fá einhvern til að fara í gegnum þetta og þetta er t.d. verkfæri sem er notað, borgin er að reyna að vísa í þetta þegar hún hendir á mig þegar hún er komin út í horn því það eru litlar stelpur að mótmæla fyrir utan ráðhúsið, að ég eigi að skrifa undir einhverja mannréttindastefnu Reykjavíkurborgar.“

Frétt af mbl.is

Héldu körfuboltaæfingu á borgarstjórnarfundi

Þola ekki að heyra sannleikann

Hvert er ofbeldið, í hverju á það að felast?

„Erfiðasta gagnrýnin í þessari skýrslu eru þrjár nafnlausar mæður. Og málið er bara þetta og alþjóð má bara vita það að ég geri mjög miklar kröfur til fólks sem kemur til mín því ég geri mjög miklar kröfur til sjálfs mín. Og ef þú ætlar ekki að standa þig í því að valdefla dóttur þína hérna þá mun ég gefa þér mjög beinskeytta endurgjöf á það því ég ber hagsmuni dóttur þinnar fyrir brjósti. Og ef dóttir þín ætlar ekki að mæta á æfingar og ef hún ætlar ekki að sinna því sem er í gangi þá mun hún verða ein af þessari tölfræði að detta út úr íþróttum langt fyrir aldur fram og ég veit að þú vilt það ekki,“ segir Brynjar Karl.

Stela þroska af börnunum sínum

Og hann talar enga tæpitungu:

„Þannig að þú verður að girða þig í brók hérna og þú verður að styðja við hana og hjálpa henni við þetta því það eru allir hérna til þess að hjálpa henni. Og það verða sumar mæður móðgaðar og sérstaklega ef þær eru uppeldismenntaðar eða sálfræðingar. Þegar einhver alfa-hundur er mættur hérna og er að segja þér að þú sért ekki að standa þig og að þú sért ekki að standa þig og að þú sért að þroskastela barnið þitt. Og þetta er pinkulítið það sem ég hef verið að lenda í þannig að það er ekki beint verið að saka mig um ofbeldi en það er bara alltaf verið að saka mig um að vera erfiður.“

En þú viðurkennir það.

„Ég er heiðarlegur og það er erfitt fyrir suma.“

Viðtalið við Brynjar Karl má sjá og heyra í heild sinni í spilaranum hér að neðan: