This is a modal window.
Beginning of dialog window. Escape will cancel and close the window.
End of dialog window.
Svokallaðir íkornar gengu erinda erlendra hrægammasjóða hér á landi eftir að bankakerfið hrundi.
Sigmundur Davíð Gunnlaugsson segir að þeir hafi þó fyrst og fremst verið Íslendingar.
Vísar hann þar til þess að þótt þessum aðilum hafi verið ætlað að afla upplýsinga og draga upp mynd af stöðu mála hér á landi fyrir hina erlendu aðila þá hafi þeir oftsinnis upplýst hann sem forsætisráðherra hvernig í pottinn væri búið.
Þetta upplýsir Sigmundur Davíð um í athyglisverðu viðtali á vettvangi Spursmála þegar rifjað er upp að nú eru 10 ár liðin frá því að tímamótasamningar náðust við kröfuhafa föllnu bankanna um svokölluð stöðugleikaframlög. Þau gerðu yfirvöldum kleift að aflétta gjaldeyrishöftum hér á landi og um leið að stórminnka skuldir ríkissjóðs sem var meira en illa laskaður eftir fjármálaáfallið.
Viðtalið við Sigmund Davíð má sjá og heyra í heild sinni hér (mínúta 52:43):