Hilmar Árni Halldórsson, miðjumaður Stjörnunnar, náði þeim stóra áfanga á sunnudaginn að spila sinn 300. deildaleik á ferlinum þegar Garðabæjarliðið gerði jafntefli, 1:1, við KA í 19. umferð Bestu deildar karla í fótbolta á Akureyri.
Hilmar, sem er 32 ára gamall, er uppalinn hjá Leikni í Reykjavík og lék þar 138 deildaleiki, þar af 22 í efstu deild, og hefur frá árinu 2016 leikið 162 deildaleiki fyrir Stjörnuna, alla í efstu deild. Hann er fjórði leikjahæstur hjá Stjörnunni í deildinni frá upphafi og er markahæstur hjá Garðabæjarfélaginu með 64 mörk í efstu deild. Áður skoraði hann 31 mark fyrir Leikni, fjögur þeirra í efstu deild.
Í sama leik lék Rodrigo Gomes, miðjumaður KA, sinn 200. deildaleik hér á landi. Hann lék fyrst 19 leiki með Sindra í 2. deild, þá 83 leiki með Grindavík í úrvalsdeild og 1. deild, og frá árinu 2020 hefur Rodrigo leikið 98 leiki með KA, alla í efstu deild.
Kristinn Steindórsson, miðjumaðurinn reyndi hjá Breiðabliki, lék sinn 200. leik í efstu deild hér á landi þegar Blikar unnu Fram 3:1 í gærkvöld. Þar af er 171 leikur fyrir Breiðablik og 29 fyrir FH en Kristinn er orðinn fimmti leikjahæsti leikmaður Breiðabliks í deildinni frá upphafi.
Arnþór Ari Atlason jafnaði leikjamet HK í efstu deild þegar Kópavogsliðið tapaði 2:0 fyrir Fylki í Kórnum á sunnudagskvöldið. Hann lék sinn 97. leik fyrir félagið og jafnaði met markvarðarins Arnars Freys Ólafssonar sem er úr leik það sem eftir er tímabilsins vegna meiðsla.
Úrslitin í 19. umferð:
Valur - Breiðablik 0:2 (16. umferð)
Vestri - KR 2:0
KA - Stjarnan 1:1
HK - Fylkir 0:2
FH - Valur 2:2
Breiðablik - Fram 3:1
Víkingur R. - ÍA 1:2
Markahæstir í deildinni:
15 Viktor Jónsson, ÍA
12 Patrick Pedersen, Val
10 Jónatan Ingi Jónsson, Val
9 Emil Atlason, Stjörnunni
8 Gylfi Þór Sigurðsson, Val
8 Helgi Guðjónsson, Víkingi R.
7 Sigurður Bjartur Hallsson, FH
7 Valdimar Þór Ingimundarson, Víkingi
6 Benoný Breki Andrésson, KR
6 Björn Daníel Sverrisson, FH
6 Danijel Dejan Djuric, Víkingi R.
6 Guðmundur Magnússon, Fram
6 Hallgrímur Mar Steingrímsson, KA
6 Höskuldur Gunnlaugsson, Breiðabliki
6 Tryggvi Hrafn Haraldsson, Val
5 Ari Sigurpálsson, Víkingi R.
5 Arnþór Ari Atlason, HK
5 Ásgeir Sigurgeirsson, KA
5 Daníel Hafsteinsson, KA
5 Haukur Örn Brink, Stjörnunni
5 Ísak Snær Þorvaldsson, Breiðabliki
5 Jason Daði Svanþórsson, Breiðabliki
5 Nikolaj Hansen, Víkingi R.
5 Úlfur Ágúst Björnsson, FH
5 Viktor Karl Einarsson, Breiðabliki
Næstu leikir:
22.8. HK - KR
25.8. Valur - Vestri
25.8. ÍA - Breiðablik
25.8. Fram - KA
25.8. Fylkir - FH
26.8. KR - Víkingur R.
26.8. Stjarnan - HK