Forest skellti United í Manchester
Setja bókamerki
Nottingham Forest hafði betur gegn Manchester United, 3:2, í 15. umferð ensku úrvalsdeildar karla í knattspyrnu á Old Trafford í Manchester í dag.
Nottingham Forest er komið í fimmta sæti deildarinnar með 25 stig en Manchester United er í 13. sæti með 19.
Nottingham Forest hóf leikinn af krafti en Nikola Milenkovic kom Forest-liðinu yfir eftir aðeins nítíu sekúndur með skallamarki eftir hornspyrnu Elliots Anderson, 1:0.
United-menn sóttu mikið eftir mark Forest en á 18. mínútu jafnaði Rasmus Höjlund metin þegar hann fylgdi á eftir skoti Alejandro Garnacho, 1:1, sem voru hálfleikstölur.
Forest komst aftur yfir í byrjun seinni hálfleiksins en þá skoraði Morgan Gibbs-White. Hann tók skot utan teigs sem fór beint á André Onana markmann United sem einhvern veginn missti boltann frá sér og hann endaði í netinu, 1:2.
Hinn funheiti Chris Wood, sem á afmæli í dag, tvöfaldaði forystu Forest-manna á 54. mínútu með skallamarki eftir fyrirgjöf frá Gibbs-White, 1:3.
Bruno Fernandes minnkaði muninn á 62. mínútu með föstu skoti eftir sendingu frá Amad Diallo, 2:3.
United-menn reyndu hvað þeir gátu að jafna metin en það tókst ekki og fer Nottingham Forest heim með stigin þrjú.
| Man. United | 2:3 | Nottingham F. |
|
|---|---|---|---|
| Callum Hudson-Odoi (Nottingham F.) fer af velli | |||
Þorgerður geti virkað sem límið í samstarfinu
Læknar samþykkja nýjan kjarasamning
Íbúar segjast varnarlausir
Kúluhús og klósett voru reist án leyfis
Bjarni: „Lítil tíðindi í þessum tölum“
Vöruhús við Álfabakka: Fóru eftir vilja borgarinnar
Ætla að fara yfir hvað fór úrskeiðis