Orri og félagar lögðu lærisveina Guðmundar

Orri Freyr Þorkelsson og liðsfélagar hans í Sporting unnu sterkan sigur á Íslendingaliði Fredericia, 32:29, í A-riðli Meistaradeildar Evrópu í handknattleik karla í Lissabon í kvöld.

Með sigrinum fór Sporting upp í annað sæti riðilsins sem gefur beint sæti í átta liða úrslitum.

Orri Freyr skoraði fjögur mörk fyrir Sporting í kvöld og var þriðji markahæsti leikmaður liðsins.

Einar Þorsteinn Ólafsson skoraði ekki fyrir Fredericia, sem Guðmundur Þ. Guðmundsson þjálfar.

• Blogga um frétt