Ágúst Þór Jó­hanns­son, þjálf­ari kvennaliðs Vals í hand­knatt­leik, tel­ur sig vita hvað liðið þurfi að bæta frá fyrri úr­slita­leik sín­um gegn spænska liðinu Porr­ino í Evr­ópu­bik­arn­um.

Síðari úr­slita­leik­ur­inn fer fram á Hlíðar­enda klukk­an 15 í dag en fyrri leikn­um lauk með jafn­tefli, 29:29.

Frétt af mbl.is

Ekki viss um að upp­lifa þetta aft­ur

„Núm­er eitt, tvö og þrjú finnst mér við eiga pínu­lítið inni varn­ar­lega frá síðasta leik. Við vor­um að láta skjóta of mikið yfir okk­ur. Línumaður­inn þeirra var að blokka okk­ur of mikið niður.

Þær eru með mjög öfl­ug­an rúss­nesk­an línu­mann sem er al­veg á mörk­un­um að vera lög­leg í mjög mörg­um til­fell­um. Við þurf­um að sjá til þess að hún bindi okk­ur ekki niður, við þurf­um að kom­ast út í skytt­urn­ar,“ sagði Ágúst í sam­tali við mbl.is eft­ir blaðamanna­fund á Hlíðar­enda í gær.

Ein­ung­is þrjú mörk úr hraðaupp­hlaup­um

„Við vor­um að fá allt of mörg víta­köst á okk­ur, níu víta­köst í síðasta leik, sem or­sak­ast mikið af því að við vor­um að spila of pass­íf­an varn­ar­leik. Því þurf­um við að mæta þeim aðeins bet­ur.

Ef við náum því þá skor­um við meira úr hraðaupp­hlaup­um. Við erum með gott hraðaupp­hlaupslið en skoruðum bara þrjú mörk úr hraðaupp­hlaup­um í síðasta leik og það er bara of lítið. Heilt yfir fannst mér sókn­ar­leik­ur­inn góður.

Þær voru fljót­ar að refsa þegar við vor­um að tapa bolt­an­um á slæm­um tíma í seinni hálfleik og vor­um ekki með mark­mann inn á. Við þurf­um að fín­pússa nokkra hluti. Ef við náum því þá er ég vongóður um að við náum góðri frammistöðu,“ bætti hann við.

Tengd­ar frétt­ir

Úrslita­ein­vígi Vals og Porr­ino

Fékk kveðju frá koll­eg­um í lög­regl­unni

• Augna­blikið sem Val­ur varð Evr­ópu­bikar­meist­ari
• Draum­ur sem ég bjóst aldrei við að yrði að veru­leika
• Næst­besti dag­ur lífs míns
• Hildigunn­ur há­grét: Er orðlaus og stolt

» Fleiri tengd­ar frétt­ir

• Blogga um frétt