Lítil raunávöxtun hjá Landsvirkjun

Leiðrétt arðsemi minni

Sé eigið fé leiðrétt með hliðsjón af vá­trygg­ing­ar­verðmæti og virði upp­setts afls, má áætla að raun­v­irði eigna sé um 700 millj­örðum hærra en bók­fært virði. Þá fær­ist nafn­arðsemi eig­in fjár niður í 1,5 til 2,5% og raun­arðsemi verður nei­kvæð, á bil­inu -1,5% til -2,5%.

Þrátt fyr­ir mik­inn hagnað í krón­um talið hef­ur Lands­virkj­un á síðustu 14 árum skilað nei­kvæðri raunávöxt­un
eig­in fjár. Sú arðsemi væri af flest­um tal­in óá­sætt­an­leg, sér­stak­lega þegar
hún er skoðuð í sam­hengi við raun­veru­legt virði eigna og um­fang rekstr­ar­ins.

Lands­virkj­un er með um 340 starfs­menn og rek­ur 14 vatns­afls­virkj­an­ir, auk þriggja jarðvarma­virkj­ana, og tveggja vind­mylla í rann­sókn­ar­skyni. Einnig stend­ur til að reisa 28 vind­myll­ur við Vaðöldu­ver og verður helm­ing­ur þeirra gang­sett­ur haustið 2026. Fyr­ir­tækið fram­leiðir um 2.150 MW af raf­magni, sem nem­ur u.þ.b. 70% af heildarra­f­orku­fram­leiðslu lands­ins.

Þrátt fyr­ir ómet­an­leg­ar nátt­úru­auðlind­ir, hundruð millj­arða í tekj­ur og hundruð starfs­manna hef­ur Lands­virkj­un ekki skilað já­kvæðri raunávöxt­un.