Útgerðir eru skyldugar til að tryggja sjómenn við störf sín samkvæmt úrskurði gerðardóms frá 2001. Bótaréttur sjómanna er víðtækari en gerist og gengur meðal launþega, sem helgast kannski af því að fáar stéttir vinna í hættulegra umhverfi og eru jafnofurseldar náttúruöflunum. En í hverju liggur munurinn?

„Sjómenn eru tryggðir samkvæmt skaðabótalögunum en flestir launþegar á almennum markaði eru það ekki. Það er kannski stóri munurinn. Það má því segja að þeirra tryggingar séu víðtækari en almennt gerist og kannski sambærilegar við þær tryggingar sem gilda þegar fólk lendir í umferðarslysum,“ segir Valborg Sveinsdóttir, forstöðumaður persónutjóna hjá Sjóvá. „Útgerðir eru skyldugar til að kaupa slysatryggingar fyrir þá sjómenn sem hjá þeim starfa svo sjómenn eiga að vera að fullu slysatryggðir við sín störf um borð.“

Sjómenn eiga að vera vel tryggðir af útgerðum sínum. mbl.is/Kristinn Ingvarsson

Spurð að því hvaða rétt sjómenn eigi til bóta vegna óvinnufærni eftir vinnuslys bendir Valborg á að forsenda bótaréttar vegna slyss sé alltaf sú að tjónþoli sanni umfang og eðli tjóns síns. Takist það eiga sjómenn rétt til bóta sem samsvara fullum launum líkt og slysið hefði aldrei orðið. „Uppgjör miðast ávallt við ákvæði skaðabótalagannna. Menn eiga rétt til fullra launa í ákveðinn tíma samkvæmt samningum og síðan detta þeir kannski niður í kauptryggingu. Skaðabótalögin miðast við það að menn haldi tekjum sínum líkt og slysið hefði ekki orðið og við það er miðað þegar að kemur að upgjöri vegna slyss, svo í slíkum tilfellum þarf að skoða mismuninn sem myndast milli kauptryggingar og fullra launa viðkomandi.“

Tengdar fréttir

Öryggi sjófarenda

Dýrt að reka eina vél

• Áhyggjur meðal sjómanna af Gæslunni
• Stutt við kaup á nýju björgunarskipi
• Færa smábátasjómönnum öryggisapp að kostnaðarlausu
• Strand skemmtiferðaskips kallar á erlenda aðstoð

» Fleiri tengdar fréttir

• Blogga um frétt