Ísland gæti setið uppi með lakari sjávarútvegsfyrirtæki og ofmat á virði kvóta ef svokölluð uppboðsleið verður farin, að mati greiningardeildar Arion banka, sem telur þó að ríkið muni til skamms tíma fá auknar tekjur af nýtingu auðlindarinnar.

Þá er leikurinn ójafn vegna ólíkrar stöðu fyrirtækja í sjávarútvegi. Í greiningu Arion banka segir að sé horft til þess að lánveitendur séu reiðubúnir að lána fyrirtækjum á samkeppnishæfum kjörum þurfi þau að reiða fram 20% eiginfjárframlag og megi ekki skulda meira en sem nemur áttföldum rekstrarhagnaði.

Einungis 26 fyrirtæki, af þeim 88 fyrirtækjum sem fengu 92% aflaheimilda árið 2013, standast þessi viðmið. Það þýðir að 62 af þessum 88 fyrirtækjum yrðu ekki samkeppnishæf þegar kæmi að uppboði á hluta aflaheimilda.

Greiningardeild Arion banka telur uppboðsleiðina því flýta fyrir samþjöppun í sjávarútvegi þvert á stefnu um sjávarútveg um allt land. Á Vesturlandi var t.d. eigið fé útgerða að jafnaði neikvætt árið 2013. vilhjalmur@mbl.is

Tengdar fréttir

Fiskveiðistjórnunin

Lilja Rafney yfirgefur VG vegna svika flokksins

• Kristrún vill frekar gjöld en kerfisbreytingar
• Fáar vísbendingar um bættar strandveiðar
• Velgengnin byggð á góðri umgjörð
• Brimi úthlutað mestum kvóta

» Fleiri tengdar fréttir