Fulltrúar Sjómannafélags Íslands skrifuðu ekki undir nýjan kjarasamning í kvöld og hyggjast kanna sitt bakland á morgun. Fulltrúar Sjómannafélags Grindavíkur gengu af fundi og afturkölluðu umboð sitt til Sjómannasambands Íslands á sama tíma.

Þetta hefur mbl.is eftir áreiðanlegum heimildum. 

Samtals telja félagsmenn Sjómannafélags Íslands annars vegar og Sjómannafélags Grindavíkur hins vegar um 40% allra sjómanna á landinu.

Samningar hafa þó náðst milli SFS og Sjómannasambands Íslands annars vegar og Verkalýðsfélags Vestfirðinga hins vegar.

Sjá frétt: Samningar náðst að hluta.

Fulltrúar Sjómannafélags Íslands vildu ekki skrifa undir nýjan samning við SFS að svo komnu máli og munu í framhaldinu skoða hvernig þeirra bakland liggur varðandi þann samning sem nú er á borðinu. 

 Ekki liggur fyrir hver afstaða Sjómannafélags Grindavíkur er á þessari stundu.

Tengdar fréttir

Kjaramál sjómanna

Djúpkarfakvótinn tryggði laun sjómanna

• Verðlagsstofuverð þorsks hækkar mikið
• „Þetta er hrein og klár misnotkun“
• Sjómönnum tryggt 54% meira fyrir þorskinn
• „Er þetta réttlát skipting?“

» Fleiri tengdar fréttir

• Blogga um frétt