Val­mund­ur Val­munds­son, formaður Sjó­manna­sam­bands­ins, segir að fundað verði í deilu Sjómannasambandsins og Samtaka fyrirtækja í sjávarútvegi hjá sáttasemjara á þriðjudagsmorgun. 

„Það er ekkert nýtt að frétta annað en að það er búið að boða fund klukkan 10 á þriðjudagsmorgun. Það verður fundað hjá samninganefnd Sjómannasambandsins á morgun,“ segir Valmundur í samtali við mbl.is.

Hann segir menn vera að reyna að finna einhvern sameiginlegan flöt til að vinna að lausn í málinu.

Sjómannasambandið sendi frá sér yfirlýsingu á föstudag þar sem því var vísað á bug að Sam­tök fyr­ir­tækja í sjáv­ar­út­vegi hefðu komið til móts við flest­ar kröf­ur sjó­manna í yf­ir­stand­andi kjara­deil­u.

Valmundur segist skilja að auðvitað náist ekki allt í gegn þegar samið er, en í áðurnefndri yfirlýsingu voru taldar upp þær kröfur sem flestum hafði ekki verið vel tekið af SFS.

„Þessi fullyrðing var bara þess efnis að það varð að svara henni. Það var komið til móts við fimm eða sex kröfur af tuttugu. Það segir sig eiginlega sjálft að ef komið hefði verið til móts við allar okkur kröfur þá værum við ekki í verkfalli,“ segir Valmundur.

Fram kemur í tilkynningunni að vitanlega séu útgerðarmenn einnig með sinn lista yfir kröfur sem flestum hafi verið hafnað. Það sé önnur saga. Aðspurður segir Valmundur að farið verði að skoða þær kröfur ef og þegar sest verði við samningaborðið:

„Það kemur bara í ljós, ef og þegar við byrjum að tala saman.“

Tengdar fréttir

Kjaramál sjómanna

Djúpkarfakvótinn tryggði laun sjómanna

• Verðlagsstofuverð þorsks hækkar mikið
• „Þetta er hrein og klár misnotkun“
• Sjómönnum tryggt 54% meira fyrir þorskinn
• „Er þetta réttlát skipting?“

» Fleiri tengdar fréttir

• Blogga um frétt