Láta reyna á rækjuvinnslu á Hólmavík
Setja bókamerki
Snæfell, dótturfélag Samherja, hefur eignast 80% hlut í rækjuvinnslunni Hólmadrangi á Hólmavík og er Kaupfélag Steingrímsfjarðar eigandi 20% hlutar, þetta staðfestir Gestur Geirsson, framkvæmdastjóri landvinnslu Samherja. Kaupfélagið átti áður 50% hlut í Hólmadrangi á móti 50% hlut Fisk Seafood, en hið síðarnefnda félag dró sig úr rekstrinum við fjárhaglega endurskipulagningu rækjuvinnslunnar.
„Við höfum hug á því að vinna þarna rækju yfir allt árið. Við munum kaupa hráefni að utan og vinna, við erum ekki að fara að veiða rækju á Íslandsmiðum,“ segir Gestur. Um 20 starfsmenn hafa unnið hjá Hólmadrangi og segir Gestur að svo verði áfram.
Hólmdrangur fékk greiðslustöðvun 12. október í fyrra til þriggja mánaða, en hún var framlengd til 30. apríl þessa árs. Voru nauðasamningar samþykktir 21. júní, en þá voru heildarkröfur á félagið 170 milljónir króna.
Spurður um framtíðarhorfur í rekstri rækjuvinnslu á Hólmavík í ljósi þeirra rekstrarörðugleika sem hafa hrjáð Hólmadrang svarar Gestur að vinnslan henti vel í samspili við aðra starfsemi Samherja.
Áköf hrina og talsvert magn kviku á ferðinni
Fólk fari eftir tilmælum: Mögulega stærri sviðsmynd
Enn sjást merki um hreyfingar en dregur úr aflögun
„Við vorum búin að bíða eftir þessu“
„Átti von á öflugra gosi í byrjun“
Beint: Eldgos á Reykjanesskaga
Gossprungan „ekki langt í burtu“
„Alltaf einhverjir sem vilja ekki fara“
