„Rækjuiðnaðurinn er hátækniiðnaður og Hólmadrangur er tæknilega fullkomin rækjuvinnsla á Hólmavík,“ segir á vef Samherja í tilefni af nýsköpunarkeppni Sjávarklasa Vestfjarða og Vestfjarðarstofu, „Hafsjór af hugmyndum“.

Rækjuvinnslan Hólmadrangur, dótturfélag Samherja, tekur þátt í verkefninu.

Frétt af mbl.is

Láta reyna á rækjuvinnslu á Hólmavík

Markmið keppninnar er að hvetja starfandi fyrirtæki, frumkvöðla og nemendur til nýsköpunar, skapa ný störf í sjávarútvegi á Vestfjörðum, auka verðmætasköpun í ólíkum greinum sjávarútvegs og bæta nýtingu hráefnis.

Fram kemur að stjórnendur Hólmadrangs telja að frumkvöðlastarf sé „lykillinn að aukinni verðmætasköpun í rækjuvinnslu, rétt eins og öðrum greinum sjávarútvegs. Þeir líta á verkefnið sem ákveðið stefnumót við framtíðina og binda vonir við að það leysi úr læðingi sköpunarkraft sem muni ýta undir nýja verðmætasköpun á sviði rækjuvinnslu.“

Frumkvöðlastarf mikilvægt

„Frumkvöðlastarf er mjög mikilvægt þegar það miðar að því að efla nýja atvinnuhætti, auka hagkvæmni og finna leiðir til betri orkunýtingar, svo eitthvað sé nefnt. Við erum að búa í haginn með frumkvöðlastarfi,“ er haft eftir Sigurbirni Rafni Úlfarssyni, rekstrarstjóra Hólmadrangs.

Sigurbjörn Rafn Úlfarsson, framkvæmdastjóri Hólmadrangs. Ljósmynd/Samherji

Fyrirtækið á sér langa sögu og hefur rækjuvinnslan verið rekin á sama stað í áratugi. Hólmadrangur er einn af stærstu atvinnurekendunum á Ströndum og flestir starfsmanna hafa langan starfsaldur.

Á vef Vestfjarðarstofu má nálgast frekari upplýsingar um keppnina. Þar segir að „Hafsjór af hugmyndum“ veitir einnig styrki til lokaverkefna á háskólastigi sem eru á masters- og doktorsstigi. Geta verkefnin verið anna náttúru- og tæknigreinum sem og í viðskipta-  og félagsvísindum í tengslum við sjávarútveg.

Tengdar fréttir

Nýsköpun og tækni í sjávarútvegi

Fjárfesta 332 milljónum í Hefring

• Frumkvöðlar bláa hagkerfisins kynna nýsköpun
• Hugmyndafræði Sjávarklasans víða eftirsótt
• Rétt hugarfar hafi átt áhrif á heimsvísu
• Árangur Íslands skólabókardæmi um fullnýtingu

» Fleiri tengdar fréttir

Rækjuveiðar

Óbreytt ráðgjöf rækju við Snæfellsnes

• Leggja til engar veiðar á rækju í Djúpinu
• Lækka rækjuráðgjöf en aldrei meiri ýsa á svæðinu
• „Það er búin að vera mokveiði“
• Leggja til minni veiði úthafsrækju

» Fleiri tengdar fréttir

• Blogga um frétt