„Við ætlum samt að halda áfram að sækja rækjuna“
Setja bókamerki
Gunnar Torfason, framkvæmdastjóri útgerðarfyrirtækisins Tjaldtanga, sem veiðir rækju í Ísafjarðardjúpi og á úthafsmiðum, segir að umtalsverð verðlækkun hafi orðið á rækju nú í apríl. Hann segir að verðlækkunin sé gríðarlegt áfall, en hún tengist kórónuveirufaraldrinum. „Kaupendur í Bretlandi hafa haldið að sér höndum, enda ríkir þar mikil óvissa um þessar mundir. Við ætlum samt að halda áfram að sækja rækjuna og búa til útflutningsverðmæti,“ segir Gunnar.
Tvö skip eru nú á úthafsrækjuveiðum að sögn Gunnars. Múlaberg, sem Þormóður rammi gerir út, og Klakkur, sem Tjaldtangi gerir út. Þá rekur Tjaldtangi einnig rækjuskipið Halldór Sigurðsson, sem sækir í Ísafjarðardjúpið. Gunnar segir rækjuvertíðina í Ísafjarðardjúpi hafa gengið mjög vel í vetur og horfur séu góðar.
Tjaldtangi er að sögn Gunnars nýbúinn að fjárfesta mikið í Klakki og skipta um margvíslegan búnað. „Við erum að veðja á að með betri búnaði getum við náð meiri árangri í veiðunum. Það hefur verið mikill samdráttur í aflaheimildum í rækju. Þegar best lét voru þær 70 þúsund tonn en eru núna fimm þúsund tonn.“
Tíu starfa á Klakki. „Það er gríðarlega mikilvægt að við náum að sigla í gegnum þetta næstu mánuði. Þetta verður erfitt ár.“
Þriggja ára hryllingur
„Þetta er ákveðið vandamál“
Vill rannsóknarnefnd vegna RÚV
„Allir slakir og rólegir“
„Vopnahlé á hvaða forsendum sem er gengur ekki upp“
Vopnahléið í uppnámi: Næstu skref óákveðin
Endurgreiðsla úr úkraínskri jörð