Reyna að veiða humar á Breiðafirði
Setja bókamerki
Hafnar eru tilraunaveiðar á humri í gildrur á Breiðafirði. Verða þær stundaðar á bátnum Ingu P SH-423.
Skipstjóri á bátnum er Klemens Guðmundsson en útgerðarfélagið Kvika hefur tekið að sér veiðarnar fyrir Vinnslustöðina í Vestmannaeyjum.
Á mánudagskvöld var 71 gildra lögð norður af Bárðargrunninu. Fyrst voru gildrurnar lagðar án beitu til prufu, en síðan var dregið og beitt í þær og þær lagðar að nýju. Nú liggja þær því í sjó þangað til veður leyfir til þess að draga þær upp og vitja um afla.
Fimmtán faðmar á milli
Gildrurnar eru settar á leiðara og eru fimmtán faðmar á milli hverrar gildru. Beitt var síld sem veidd var á Færeyjamiðum.
Vinnslustöðin hefur verið með tilraunaveiðar í humargildrur út frá Suðurlandi með ágætum árangri. Þessar veiðar hafa hins vegar ekki verið reyndar áður í Breiðafirði svo nú bíða menn spenntir að sjá hvernig muni ganga.
Gera aðra tilraun til að opna Blönduhlíð
Breytingin hefði skilað 10 milljörðum í fyrra
Leita allra lausna: Örvænting meðal starfsfólks
Grefur undan stöðugleika og samkeppnishæfni
Fangelsi smekkfull: 70 í gæsluvarðhaldi
„Stefnir í kvikuhlaup áður en mjög langt um líður“
„Það er sannanlega rangt“