Stofninn í Arnarfirði nálægt sögulegu lágmarki
Setja bókamerki
Tengdar fréttir
Hafrannsóknastofnun
Hafrannsóknastofnun leggur til að að leyfðar verði veiðar á 184 tonnum af rækju í Arnarfirði og 586 tonnum í Ísafjarðardjúpi á vertíðinni 2020/2021, að því er fram kemur í tilkynningu á vef stofnunarinnar. Þá segir að ráðleggingarnar byggi á niðurstöðum könnunar á ástandi innfjarðarrækjustofna sem fram fór dagana 28. september til 4. október.
Fram kemur að stofnvísitala rækju í Arnarfirði reyndist nálægt sögulegu lágmarki en yfir skilgreindum varúðarmörkum, auk þess var rækjan þar smærri en undanfarin ár. Meira var af þorski og ýsu í Arnarfirði en undanfarin ár.
Rækjan í Ísafjarðardjúpi var undir meðallagi en yfir skilgreindum varúðarmörkum og var útbreiðsla hennar að mestu takmörkuð við svæðið innst í Ísafjarðardjúpi. Þá segir í tilkynningunni að nýliðunarvísitala rækju var langt undir meðallagi árin 2016 til 2020. Þá hefur vísitala þorsks í Ísafjarðardjúpi farið lækkandi frá árinu 2012 en vísitala ýsu hefur haldist há frá 2004 og var töluvert af ýsu eins árs og eldri á svæðinu í október 2020.
Að þessu sinni var ekki kannað ástand rækjustofna í Húnaflóa, Skagafirði, Skjálfanda og Öxarfirði, en undanfarin ár hefur ráðgjöf Hafrannsóknastofnunar verið að engar veiðar séu stundaðar á þessum svæðum vegna slæms ástands stofnanna.
Tengdar fréttir
Hafrannsóknastofnun
„Viljum sjá til þess að þetta gerist aldrei aftur“
Fylgismunur leikur á hnífsegg vestanhafs
Gerðu sér ekki grein fyrir slysahættunni
Undir áhrifum og ekki í belti í banaslysi
„Skyndilega orðinn kokhraustur kvenhatari“
Allt fullt af glerbrotum og laugin lokuð
Leggur fram vantrauststillögu á oddvitann