Raunir skipverja mega ekki endurtaka sig
Setja bókamerki
Mál frystiskipsins Júlíusar Geirmundssonar, þar sem hópsmit kom upp á meðal áhafnar, hefur skaðað samskipti útgerða og sjómanna. Þetta kemur fram í tilkynningu frá Heiðrúnu Lind Marteinsdóttur, framkvæmdarstjóra Samtaka fyrirtækja í sjávarútvegi.
Í tilkynningunni kemur fram að ítarlegar leiðbeiningar um hvernig skuli bregðast við um borð á skipum ef ástæða sé til að ætla að smit sé á meðal áhafnar hafi verið gefnar út í vor.
Um borð í skipum sé mikil nánd á milli manna og veikindi geti því hæglega borist út, eins og sýndi sig í tilfelli Júlíusar Geirmundssonar.
Af þeim sökum er sérstaklega mikilægt að skýrar leiðbeiningar séu fyrir hendi, en leiðbeiningarnar voru samdar sameiginlega af Samtökum fyrirtækja í sjávarútvegi og stéttarfélögum sjómanna, og í samstarfi við embætti landlæknis, og sendar á útgerðir, er haft eftir Heiðrúnu.
Í tilfelli Júlíusar Geirmundssonar var ekki farið eftir þessum leiðbeiningum, segir í tilkynningunni. Samkvæmt þeim hefði átt að hafa samband við Landhelgisgæsluna þegar veikinda varð vart. Þar með hafði málið verið komið í réttan farveg.
„Á þessum misbresti verða skipstjóri og útgerð skipsins að axla ábyrgð,“ segir í tilkynningunni.
Skaðað samskipti milli sjómanna og útgerðar
Heiðrún segir að mikilvægt sé að samskipti útgerða og sjómanna séu góð, sérstaklega þegar í hlut eiga frystiskip sem eru lengi á sjó, en þetta mál hafi skaðað þau samskipti.
SFS hyggst ræða málið við forystumenn stéttarfélaga sjómanna á næstu dögum. Mikilvægt sé að greina hvað fór úrskeiðis og læra af því.
„Raunir þessara skipverja á Júlíusi Geirmundssyni mega ekki endurtaka sig á íslenskum skipum,“ segir að lokum.
„Við vitum það alveg að við þurfum að læra“
Stjórnarandstaðan styður Selenskí
Fundar með erindreka Trumps
Alvarlegt umferðarslys á Þingvallavegi
Viðkvæm staða í kjaradeilu kennara
Vill fækka sýslumannsembættum
Tilkynning frá Play: Harma ónákvæmar tilkynningar Kauphallar
„Erum enn þá að búast við eldgosi“