„Fordæmalaust og dapurt mál“
Setja bókamerki
„Mér sýnist þetta vera fordæmalaust og dapurt mál í alla staði,“ segir Sigurður Ingi Jóhannsson, samgöngu og sveitastjórnarráðherra, þegar hann var inntur álits á máli skipverja á frystitogaranum Júlíusi Geirmundssyni. Eins og fram hefur komið smituðust 22 af 25 skipverja af Covid-19. Samkvæmt frásögn var skipverjum gert að vinna á meðan þeir voru veikir.
Sigurður kynnti fyrir ríkisstjórninni á ríkisstjórnarfundi minnisblað um lagagrunn sjómannalaganna og þau ákvæði sem lúta að ábyrgð og ákvæðum er lúta að réttindum skipverja.
Hann segir að ríkisstjórnin leggi áherslu á ríkari samfélagslega ábyrgð atvinnulífsins og hafi unnið að reglugerðarbreytingum í þá átt á undanförnum árum. „Hér er málið á skýrum lagagrunni og komið í farveg,“ segir Sigurður Ingi sem tjáir sig í ljósi þess ekki frekar um málið á meðan rannsókn stendur yfir.
„Ástæða þess að ég fór með minnisblaðið fyrir ríkisstjórnina er til þess að upplýsa hana um lagagrunn sjómannalaga. En síðan getur komið fram við rannsókn málsins að þau falli undir almenn hegningarlög eða sóttvarnarlög,“ segir Sigurður Ingi.
Málið er á herðum samgöngu- og sveitastjórnarráðuneytisins sökum þess að öryggismál sjómanna heyra undir ráðuneytið.
Spurður hvort ríkisstjórnin sé að huga að reglugerðarbreytingum í ljósi þess að ýmis álitamál geta komið upp í tengslum við veirufaraldurinn þá segir Sigurður Ingi svo ekki vera. „Þetta regluverk er ágætlega skýrt og ég vona svo sannarlega að þetta sé fordæmalaust mál,“ segir Sigurður Ingi.
Margra ára bið eftir viðgerð á tröppum
„Komið til móts við það sem við teljum okkur þurfa“
Frekari upplýsingar frá Kauphöllinni vegna athugunarmerkingar Play
„Við vitum það alveg að við þurfum að læra“
Segir svör ráðherra rýr og röng
Stjórnarandstaðan styður Selenskí
„Erum enn þá að búast við eldgosi“
Fagleg en ekki pólitísk nálgun verkefna