Afli íslenskra fiskiskipa var 86.774 tonn í október 2020 sem er 5% minni afli en í október 2019, að því er fram kemur á vef Hagstofu Íslands. Þar segir að samdráttinn sé einkum að rekja til uppsjávaraflans en hann dróst saman um 12% og nam síldaraflinn í október 36 þúsund tonnum sem er 27% minna en í sama mánuði í fyrra.

Botnfiskafli var tæp 40 þúsund tonn sem er 3% aukning samanborið við október 2019. Af botnfisktegundum nam þorskaflinn tæpum 24 þúsund tonnum sem er svipaður afli og á fyrra ári en tæpum sex þúsund tonnum var landað af ýsu sem er 33% aukning miðað við október 2019.

Þá var aflaverðmæti í október, metið á föstu verðlagi, 5,2% minna en í október 2019.

Á tólf mánaða tímabili, nóvember 2019 til október 2020, nam heildarafli íslenskra fiskiskipa tæplega 1.016 þúsund tonnum sem er 5% minni afli en á sama tímabili ári fyrr. Þá var samdráttur í ufsa 14%, í ýsu 23%, 13% í kolmunna og 10% í síld. Á móti kemur að á tímabilinu jókst þorskaflinn  um 1%, makrílaflinn um 18% og flatfiskaflinn um 1%.

Tengdar fréttir

Samdráttur í sjávarútvegi

Hagræðing í skipastól Síldarvinnslunnar

• Uppsagnir þungt högg fyrir samfélagið
• „Þarna eru mörg störf sem eru að tapast“
• 32 sagt upp störfum í Stykkishólmi
• Gagnrýni LS á starfsháttum Hafró vísað á bug

» Fleiri tengdar fréttir

• Blogga um frétt