Kaupa í írskum fiskvinnslum fyrir 2,5 milljarða
Setja bókamerki
Iceland Seafood International hefur gengið frá kaupum á öllum hlutum í írska fiskvinnslufyrirtækinu Carrs & Sons sem sérhæfir sig í framleiðslu reyktra laxafurða, að því er fram kemur í fréttatilkynningu. Kaupverðið er sagt 6,5 milljónir evra eða rétt rúmur milljarður íslenskra króna og er því það sama og tilgreint var í viljayfirlýsingu vegna fyrirhugaðra kaupa sem undirrituð var í ágúst.
Samhliða kaupunum á Carrs & Sons hefur Iceland Seafood einnig fest kaup á 33% hlut í fiskvinnslunni Oceanpath á Írlandi fyrir níu milljónir evra, jafnvirði 1,5 milljarða íslenskra króna. Sextíu prósent af kaupverðinu verða greidd með peningum en 40% með nýjum hlutum í Iceland Seafood.
Oceanpath veður með viðskiptunum að fullu í eigu Iceland Seafood, en árið 2018 festi félagið kaup á 67% hlut í írska fyrirtækinu sem er stærsti framleiðandi ferskra sjávarafurða á Írlandi.
Með kaupunum tvennum er gert ráð fyrir að samanlögð sala á Írlandi muni fara yfir 50 milljónir evra, jafnvirði rúmlega átta milljarða króna, og nær salan til allra stærri dagvöruverslana á Írlandi.
„Kaupin eru partur af þeirri vegferð sem við hjá Iceland Seafood erum á. Að kaupa og byggja upp virðisaukandi fyrirtæki sem eru djúpt inni á markaðnum og nálægt viðskiptavininum og sem gefa okkur tækifæri til að nýta okkar þekkingu og styrk í innkaupum, framleiðslu og markaðsmálum. Við teljum að Carr & Sons passi mjög vel við þá stefnu,“ segir Bjarni Ármannsson, forstjóri Iceland Seafood.
Hætta að taka við reiðufé í búðinni
Fagnar breytingum en segir stefnuna enn óskýra
Skjáskot úr einkaspjalli rædd á þingflokksfundi
„Við fjölskyldan erum endalaust þakklát“
Seðlabankastjóri: „Vaxtalækkunarferlið er hafið“
Rannveig: Ekki komin á „húrrandi fart niður Esjuna“
„Ég er nakin með fólk allt í kringum mig“