Tilraunaveiðar með humargildrur á Ingu P SH ganga vonum framar og er auðsjáanlega humar víða í Breiðafirði. Nokkuð óvænt tókst að ná í 120 kíló undan Arnarstapa, en þar hafa slíkar veiðar ekki verið stundaðar áður.

Fyrst voru gildrurnar í tilraunaveiðunum lagðar ellefu mílur vestur af Öndverðarnesi og var afli með ágætum en veður hamlaði þó veiðum. Í síðustu viku voru svo gildrurnar færðar í svokallað Jökuldýpi sem er þekkt humarsvæði, en áður fyrr voru humartogskip þar að veiðum.

Frétt af mbl.is

Fengu humar í flestar gildrur

Ein trossa var þó lögð tólf mílur suður af Arnarstapa þar sem ekki hefur verið veitt áður og kom það mönnum á óvart að þar var góður afli af vænum humri. Kom Inga P að loknum veiðum með 120 kíló til hafnar. Aflanum var landað á Arnarstapa stutt frá veiðislóð og er þetta í fyrsta sinn sem humri er landað þar, að sögn Guðmundar Ívarssonar hafnarvarðar.

Þórgeir Högnason bóndi á Arnarstapa átti ekki orð yfir því að humar fengist rétt við kartöflugarð sinn og var heldur betur undrandi yfir að sjá svona fallegan humar.

Þórgeir Högnason bóndi á Arnarstapa virðir aflann ásamt Klemens Sigurðsyndi skipstjóra á Ingu P SH. mbl.is/Alfons Finnsson

Tengdar fréttir

Humarveiðar

Humarveiðarnar voru skemmtilegt tímabil

• Ráðleggja áframhaldandi humarveiðibann
• „Við höfum ekkert gaman af svartsýni“
• Tilkynna vísbendingar um vaxandi stofn humars
• Humarinn mjög kresinn á búsvæði

» Fleiri tengdar fréttir

• Blogga um frétt