Landaður afli íslesnka flotans nam 63.864 tonnum í nóvember og er það 8% minni afli en í sama mánuði í fyrra, að því er fram kemur á vef Hagstofu Íslands. Jafnframt var aflaverðmæti í nóvember, metið á föstu verðlagi, 9,1% minna en í nóvember 2019.

Þar segir að botnfiskafli í mánuðinum hafi verið um 39,6 þúsund tonn sem er 4% minna en á sama tíma í fyrra. Þá var þorskaflinn nam 23,6 þúsund tonnum sem er 8% minni afli en sama mánuð í fyrra og auk þess svarð 8% samdráttur í karfa. Ýsuaflinn jókst hins vegar 21%.

Uppsjávaraflinn nam 22,6 þúsund tonnum í nóvember en var 25,7 þúsund tonn í sama mánuði 2019 og er því smdrátturinn 12%. Samdráttinn má fyrst og fremst rekja til þess að töluvert minni síld var landað í mánuðinum eða 24% minna. Ámóti kemur að 19% meira af kolmuna var landað nú en í fyrra.

Heildarafli á tólf mánaða tímabili, frá desember 2019 til nóvember 2020, var 1.010 þúsund tonn sem er 3% minni afli en á sama tímabili ári fyrr.

Tengdar fréttir

Samdráttur í sjávarútvegi

Hagræðing í skipastól Síldarvinnslunnar

• Uppsagnir þungt högg fyrir samfélagið
• „Þarna eru mörg störf sem eru að tapast“
• 32 sagt upp störfum í Stykkishólmi
• Gagnrýni LS á starfsháttum Hafró vísað á bug

» Fleiri tengdar fréttir

• Blogga um frétt