Skipstjórinn sviptur réttindum í fjóra mánuði
Setja bókamerki
Sveinn Geir Arnarsson, skipstjóri á Júlíusi Geirmundssyni, játaði sök í Héraðsdómi Vesturlands fyrir brot á sjómannalögum þegar ákæra á hendur honum var þingfest í dag. Var hann sviptur skipstjórnarréttindum til fjögurra mánaða og gert að greiða 750 þúsund krónur í sekt, með dómsátt.
Þetta staðfestir Karl Ingi Vilbergsson, lögreglustjóri á Vestfjörðum, í samtali við mbl.is og segir að málinu sé þar með lokið.
Hópsýking kom upp í skipinu í október og sýktust 22 af 25 úr áhöfn af Covid-19, þar af sumir alvarlega. Skipverjar hafði verið á veiðum í nokkra daga þegar fyrsti skipverji sýndi einkenni veirunnar, en ekki var snúið aftur í land fyrr en eftir þrjár vikur og þá aðeins til að taka olíu en um leið voru starfsmenn skimaðir fyrir veirunni. Að svo búnu lagði skipið úr höfn á ný, en sneri til baka degi síðar eftir að niðurstöður skimana lágu fyrir.
Skipstjórinn var í kjölfarið ákærður fyrir brot gegn 34. grein laganna, en þar segir: „„Ef ástæða er til að ætla að skipverji sé haldinn sjúkdómi sem hætta stafar af fyrir aðra menn á skipinu skal skipstjóri láta flytja sjúklinginn í land ef eigi reynist unnt að verjast smithættu á skipinu.“
Svarar fyrir gagnrýni á kolefnisskógrækt
Íslenskur læknir situr uppi með tvær eiginkonur
„Ég vil tala varlega þegar kemur að þessu“
Evrópa þéttir raðirnar og Ísland á að taka þátt
„Þungur og mikill skuggi yfir Evrópu“
Hótel og náttúruböð í óþökk nágrannanna
Inga fékk leiðbeiningu
Segja hundruð milljóna færast til erlendra bænda