Stofnstærð humars minnkað um 27%
Setja bókamerki
Hafrannsóknastofnun ráðleggur að afli ársins 2021 verði ekki meiri en 143 tonn svo fylgjast megi með stærðarsamsetningu og dreifingu stofnsins, að því er segir í tilkynningu á vef stofnunarinnar. Einnig er lagt til að allar humarveiðar verði bannaðar í Jökuldjúpi og Lónsdjúpi til verndar uppvaxandi humri.
Jafnframt telur stofnunin að veiðar með fiskibotnvörpu eigi áfram að vera bannaðar á afmörkuðum svæðum í Breiðamerkurdjúpi, Hornafjarðardjúpi og Lónsdjúpi til að minnka álag á humarslóð.
Fram kemur í tilkynningunni að stofnstærð humars í stofnmælingu 2020 minnkaði um 27% frá árinu 2016. Á sama tíma hefur veiðihlutfall minnkað úr 1.9% í 0.4%. Þéttleiki humarholna við Ísland mælist nú með því lægsta sem þekkist meðal þeirra humarstofna sem Alþjóðahafrannsóknaráðið (ICES) veitir ráðgjöf um.
Fyrirliggjandi gögn benda til að nýliðun sé í sögulegu lágmarki og að árgangar frá 2005 séu mjög litlir. Verði ekki breyting þar á má búast við áframhaldandi minnkun stofnsins.
Tveimur konum sleppt úr haldi
Um 20 tilkynningar um flóðatjón
Grefur undan stöðugleika og samkeppnishæfni
Gagnrýnir seinagang borgarinnar
Matvælastofnun óskar eftir lögreglurannsókn
Leita allra lausna: Örvænting meðal starfsfólks
„Það er enginn að reyna að koma sér undan því“
„Stefnir í kvikuhlaup áður en mjög langt um líður“